தமிழ் திரையுலகில் கலைஞர்களுக்கிடையே ஏற்படும் இமேஜ், ஈகோ என்பதெல்லாம் அந்தக் காலம்தொட்டு இந்தக் காலம்வரை தொடர்ந்து கொண்டுதான் இருக்கிறது உதாரணமாக... அந்தக் காலகட்டத்தில் வெளிவந்த 'ஒளிவிளக்கு' திரைப்படத்தில் டைட்டில் கார்டில் யார் பெயர் முதலில் இடம்பெற வேண்டும் என்பதில் ஜெயலலிதாவும், சௌகார் ஜானகியும் மோதிக் கொண்ட விதத்தை மிகவும் சுவாரசியாமாக விளக்கியிருக்கிறார் இந்நூலாசிரியர் சபீதா ஜோசப். அது மட்டுமின்றி, பிரபல நடிகைகளுக்கு ஏற்பட்ட எண்ணற்ற அனுபவங்களை திரைத்துறையிலுள்ள அனுபவஸ்தர்கள் மூலமாக கேட்டறிந்து, அவற்றையெல்லாம் 'தேவிகா முதல் ஜோதிகா வரை' எனும் இந்நூலில் சுவைபட கூறியிருக்கிறார்.

திரைத்துறையில் நுழையத் துடிக்கும் இன்றைய தலைமுறையினருக்கு இந்நூல் ஒரு பாடமாக அமையும் என்பதில் எள்ளளவும் ஐயமில்லை!