அவள் அப்படியொன்றும் அழகில்லை, ஆனால் அவளுக்கு யாரும் இணையில்லை என்கிற அளவுக்குதான் இருக்கிறது ப்ரியா ஆனந்தின் முகமும் கலரும்! (பார்ட்டி கொஞ்சம் மாநிறம்தான்) அப்படியிருந்தும் தென்னக மொழிகள் அத்தனையையும் ஒரு கை பார்த்துவிட்டார். இந்திக்கு கூட போய்விட்டார். அதைவிட பிரமாதம் கமல் நடிக்கும் விஸ்வரூம் படத்திலும் முக்கிய கேரக்டரில் நடித்து வருகிறார் ப்ரியா. தெலுங்கில் முதல் முக்கிய இடத்தை பிடித்திருக்கும் நாயகிகளில் இவரும் ஒருவர்.

அனுஷ்கா, அமலா என்று யார் யாரையோ தூக்கி வைத்துக் கொண்டாடும் தமிழ்சினிமாவின் பிடறியை உலுக்கி ஒரு கேள்வி கேட்க விரும்புகிறவர்கள், ப்ரியாவுக்காகவும் அந்த கேள்வியை கேட்கலாம். ஏன் தெரியுமா? இந்த ப்ரியா நம்ம மாயவரத்தை சேர்ந்த அக்மார்க் தமிழச்சி. ஆனால் தமிழ்தான் இவரது நுனிநாக்கில் புரண்டு நூதனமாக முனகுகிறது! அது ஏனுங் தங்கச்சி?