‘எம்புள்ளைக்கு எதிரா சதி நடக்குது’ என்று பேட்டிகளில் ஆவேசப்பட்டு  வந்த விஜய டி.ராஜேந்தர், தனக்கு சப்போர்ட்டா ஒரு சேனலும் இல்லையே என்றும் பொங்கினார். “சிம்புவை பற்றி வரும் செய்திகளுக்கு உடனுக்குடன் விளக்கம் கொடுக்க நானே ஒரு டி.வி சேனல் துவங்குவேன்” என்றும் சவால் விட்டார். மெகா சபதம் போட்டுவிட்டு ஜகா வாங்க முடியாதல்லவா? பொன் வைக்கிற இடத்தில் போர்ட்டபுள் டிவியை வைத்த மாதிரி, இப்போது வெப் டி.வி துவங்கப் போகிறாராம்.
தனது ஜகா சேனலை எட்டுக்கு எட்டளவு கொண்ட தனது அறையிலேயே துவங்கியிருக்கிறார் டிஆர். நிகழ்ச்சிகளை தயாரிப்பதில் படு ஆர்வமாக இருக்கும் இவர், “ஏய்... டண்டணக்கா ஏய்... டண்டணக்கா” என்று மேசையில் தட்டி, அதையே நிகழ்ச்சிகளுக்கு பின்னணி இசையாகவும் போட்டு வருகிறாராம்.
இந்த டி.விக்கு குறள் டி.வி என்று பெயரிடப்பட்டுள்ளது. பெண்களை கவரும் விதத்தில் கோலப் போட்டி, சப்பாத்தி சுடும் போட்டி, மாவு பிசையும் போட்டி என்று மகளிர் ஏரியாவிலும் மங்காத்தா ஆடும் விஜய டி.ஆர், பெண்கள் நிகழ்ச்சிகளுக்கு பொறுப்பாளராக தனது மனைவி உஷாவையே நியமித்திருக்கிறாராம்.
இனி குடும்ப கொண்டாட்டங்களுக்கு குறைவே இருக்காது!
-தேனி பஞ்சரம்மா |
