டூ பீஸ் டிரஸ்சில் வந்து ரசிகர்களின் மனசை பீஸ் பீசாக்கிய நயன்தாராவை, தங்கள்  படங்களில் அதே போல் நடிக்க வைக்க முயற்சித்தார்கள் பல இயக்குனர்கள். ஆனால், ரசிகர்கள் என்னை அப்படி பார்க்கணும்னா பில்லாவை இன்னொரு முறை பார்த்திட்டு போவாங்க. நீங்க வேற ஏதாவது காஸ்ட்யூம் சொல்லுங்க. டூ பீசைவிட கிளாமரா இருந்தாலும் ஓ.கே தான் என்று கூறிவிட்டார் நயன்.
பில்லாவை தொடர்ந்து ஏகன் படத்திலும் நயன்தாராவை ஜீரோ டிகிரியாக்கி உலவ விட்டிருக்கிறார்களாம். முந்தைய படத்தில் தனக்கும் அஜீத்துக்கும் நெருங்கிய டூயட் காட்சிகள் இல்லை என்ற ஏக்கம் இருந்தது இவருக்கு. ஆனால், ஏகனில் அதையும் போக்கிக் கொள்ள முடிவெடுத்திருக்கிறார். அட்டகாசமான டூயட் ஒன்றை வெளிநாட்டில் படம் பிடிக்க போகிறாராம் ராஜுசுந்தரம். முக்கிய செய்தி நயன்தாராவின் விருப்பம்தான் இந்த டூயட்!
ஸ்ரேயாவை தொடர்ந்து பாலிவுட்டுக்கு பறக்கப் போகிறார் நயன் என்ற செய்திகளில் எந்தளவுக்கு உண்மையிருக்கிறது? அழைப்பு வந்தது நிஜம்தானாம். ஆனாலும், கிடைக்கிற கொஞ்ச நேரத்தை உறவினர்களுடனும், நண்பர்களுடனும் செலவு செய்யவே விரும்புகிறாராம்.
ஆக, இப்போதைக்கு தங்கத்தின் இருப்பு தமிழ்நாடுதான்!
-வசந்தசேனன் |
