பொள்ளாச்சியில் மரியாதை பட ஷ§ட்டிங் நடந்திட்டு இருக்கு. நான் இங்கே  இருக்கேன். தனது சொந்தக் கம்பெனி மாதிரி இந்த படத்தை கேப்டன் பார்த்துக்கிறாரு. அதனால்தான் இப்படி இங்கேயிருந்து மற்ற வேலைகளை பார்க்கிறேன் நான் என்றார் அப்படத்தின் தயாரிப்பாளர் டி.சிவா. சரோஜா என்ற வெற்றிப்படத்தின் தயாரிப்பாளர்.
நாள், நட்சத்திரங்கள் பார்த்து படம் எடுத்திட்டு இருந்தப்போ தோல்வியைதான் சந்திச்சேன். இப்போது எதைப் பற்றியும் கவலைப்படாம படங்கள் எடுக்க ஆரம்பிச்ச பிறகு வெற்றிகள் கதவை தட்டுது என்கிறார் சந்தோஷமாக! வானத்தை போல படத்திற்கு பிறகு விக்ரமன் சார் இயக்கத்தில் கேப்டன் நடிக்கிற படம் இது. இடையில் தனது ஸ்டைலை கொஞ்சம் மாற்றியிருந்த விக்ரமன், மீண்டும் தனது பழைய ஸ்டைலிலேயே இந்த படத்தை எடுத்திட்டு இருக்காரு.
ஒரு மாற்றத்திற்காக விஜய் ஆன்ட்டனியை இசையமைக்க வச்சிருக்காரு. மூன்று பாடல்களை படமாக்கிட்டோம். இந்த வருடத்தின் மிகப்பெரிய ஹிட் பாடல்களாக இருக்கும் என்றார் சிவா. மீதி பாடல்களை இப்போதுதான் கம்போசிங் செய்து கொண்டிருக்கிறாராம் விஜய் ஆன்ட்டனி. பொதுவாகவே பாடல்களில் அதிக கவனம் எடுத்துக் கொள்ளும் விக்ரமன், இந்த முறை தானே அமர்ந்து பாடல் வரிகளை கவனித்து வாங்குகிறாராம்.
முக்கிய விஷயம் என்னவென்றால், மரியாதைக்கு கூட அரசியல் வசனங்களை சேர்க்கவில்லையாம் விஜயகாந்த்!
-ஆர்.எஸ். |
